ABŞ Pezidentinin böyük oğlu və ailə korporasiyası olan “The Trump Organization”un icraçı vitse-prezidenti Kiçik Donald Tramp gözlənilmədən Tallinə gəlib.
Məlumatı “Postimees” qəzeti təsdiqləyib, lakin sahibkarın Estoniyaya səfərinin məqsədi hələlik açıqlanmır.
Nəşrin məlumatına görə, o, səfər müddətində “Radisson” şəbəkəsinin otellərindən birində yerləşib. Şəhərdə mühafizəçilərlə hərəkət edən Kiçik Donald Trampın bu səfəri qeyri-rəsmi, lakin statuslu xarakter daşıdığını göstərir.
ABŞ-ın Estoniyadakı səfirliyi məlumatın olmamasını və ya şəxsi səfərlərin detallarının açıqlanmasının qeyri-mümkünlüyünü əsas gətirərək həm “Postimees”, həm də “Delfi” portalı üçün şərhlərdən imtina edib.
Kiçik Donald Tramp “The Trump Organization”un aktivlərinin əhəmiyyətli hissəsinə nəzarət edir və beynəlxalq biznes tədbirlərində müntəzəm olaraq iştirak edir. Lakin onun Baltikyanı ölkənin paytaxtında peyda olması əvvəlcədən elan edilməyib və ictimai qrafikə daxil deyil ki, bu da yerli KİV-lərdə və diplomatlarda əlavə suallar doğurur.
Səfərin şəxsi biznes maraqları, siyasi məsləhətləşmələr və ya digər səbəblərlə bağlı olub-olmadığı hələlik qaranlıq qalır.
