Rusiya ordusu Dnepr şəhərinə hücum edib.
Ukrayna şəhərinə zərbələr endirildiyi barədə “Voenkori russkoy vesnı” “Telegram” kanalı məlumat yayıb.
“Dnepropetrovskda düşmənin anbarları yanır. Şəhərdə partlayışlar baş verir. Yerli vilayət hərbi administrasiyasının məlumatına görə, logistika şirkətinin anbar binaları zərbə altında qalıb. Obyektdə güclü yanğın baş verib”, - deyə paylaşımda bildirilir.
Məlumatı regionun rəhbəri Aleksandr Ganca özünün “Telegram” kanalında təsdiqləyib. Onun sözlərinə görə, zərbə nəticəsində iki nəfər yaralanıb, onlara tibbi yardım göstərilir.
