Rusiya prezidenti Vladimir Putinin ölkənin şərq bölgəsinə səfəri zamanı pələnglə qarşılaşmasını əks etdirən görüntülər yayılıb. Video tayqada çəkilib.
Ekskluziv görüntüləri "Rossiya" telekanalının jurnalisti Pavel Zarubin özünün "Telegram" kanalında paylaşıb.
Video avtomobildə Putinin təhlükəsizlik xidmətinin əməkdaşı tərəfindən lentə alınıb. Görüntülərdə pələngin meşədən yola çıxması əks olunub. Pələng Rusiya liderinin olduğu maşının qarşısında bir neçə saniyə gəzdikdən sonra yoxa çıxıb.
Qeyd edək ki, Putin Şərq İqtisadi Forumunun (VEF) plenar iclasında çıxışı zamanı da bu haqda danışmışdı. Rusiya dövlət başçısının sözlərinə görə, o, pələnglə Primorsk diyarının qubernatoru Oleq Kojemyakanın təşkil etdiyi tayqa səfəri zamanı qarşılaşıbmış.
