Xəbər verdiyimiz kimi, Yeni il bayramı ilə əlaqədar 31 dekabr – 4 yanvar tarixləri iş günü hesab edilmir. Ancaq bəzi özəl sektorlarda işçilər bu bayram günlərində də işləməli olurlar. Bu halda onlara əlavə ödəniş nəzərdə tutulur.
Qanunvericiliyə əsasən, bayram günlərində işləyən işçiyə gündəlik əməkhaqqının ən azı iki misli ödənilməlidir.
Belə ki, Əmək Məcəlləsinin 164-cü maddəsinə əsasən, bayram günlərində vaxtamuzd işləyənlərə gündəlik əməkhaqqının ən azı iki misli, işəmuzd işləyənlərə görülən işə görə ikiqat ödəniş, alıq maaş alanlara isə iş vaxtı norması daxilində işləyiblərsə, maaşdan əlavə bir günlük maaş, normadan artıq işləyiblərsə, maaşdan əlavə iki günlük maaş ödənilməlidir.
Bundan başqa, işçinin razılığı ilə bayram günü görülən işin əvəzinə başqa istirahət günü də verilə bilər.
