Mərkəzi Aran Regional Təhsil İdarəsi üzrə “Valideyn konfrans”larına start verilib. İlk görüş Mingəçevir şəhəri Noel Ahəngari adına 13 nömrəli tam orta ümumtəhsil məktəbində “Təhsil müəssisələrində zorakılığın qarşısının alınması” mövzusunda təşkil olunub.
Tədbirdə müasir təhsilin ən aktual çağırışlarından biri olan təhlükəsiz məktəb mühiti məsələsi geniş müzakirə olunub.
Konfrans qarşılıqlı əməkdaşlıq niyyətlərinin ifadəsi, növbəti addımların planlaşdırılması və təhsil müəssisələrində zorakılıqsız mühitin qurulması istiqamətində yeni yanaşmaların formalaşdırılmasının dəstəklənməsi ilə yekunlaşıb. Tədbir iştirakçıları qeyd ediblər ki, təhlükəsiz məktəb təkcə tədrisin deyil, həm də sağlam, sosial məsuliyyətli və psixoloji baxımdan balanslı gələcək nəslin formalaşdırılması üçün prioritet məsələdir.
#təhsil
#zorakılığınqarşısınınalınması
#təhlükəsizməktəb
#MərkəziAranRTİ
