18 noyabr tarixində Mərkəzi Aran Regional Təhsil İdarəsinin müdir müavini Cavad Cavadov yerli təhsil sektorlarının müdirləri ilə Microsoft Teams platforması üzərindən görüş keçirmişdir.
Görüşdə “Ümumi təhsil müəssisələrində 2025–2026-cı tədris ilinin təşkili barədə” Elm və Təhsil Nazirliyinin müvafiq əmrindən irəli gələn məsələlərin icrası ilə bağlı görüləcək işlər barədə məlumat verilmişdir.
Məktəbdaxili keyfiyyət təminatı və nəzarət mexanizminin yaradılması üçün müvafiq komissiyanın yaradılması, məktəb pasportunun işlənilməsi, təhsil müəssisələrinin ümumi vəziyyətinin təhlili, əsas istiqamətlərin müəyyənləşdirilməsi, risk qrupuna daxil olan məktəblər üzrə məqsədyönlü inkişaf tədbirlərinin görülməsi istiqamətində müvafiq tapşırıqlar verilmişdir.
Qeyd olunan məsələlərin icrası ilə bağlı ümumi təhsil məktəblərində tədbirlər ilboyu davam etdiriləcək və dövrlər üzrə hesabatlar ümumiləşdirilərək Məktəbəqədər və Ümumi Təhsil üzrə Dövlət Agentliyinə təqdim olunacaqdır.
#MərkəziAranRTİ
#ElmVəTəhsilNazirliyi
#Təhsil
#KeyfiyyətTəminatı
#TəhsilSektorları
#MəktəbdaxiliNəzarət
#Təhsilİslahatı
#RegionalTəhsil
