21 noyabr 2024-cü il tarixində Dağlıq Şirvan Regional Gənclər və İdman İdarəsinin təşkilatçılığı ilə Lənkəran şəhərinə "Gənclər paytaxtı" çərçivəsində təşkil edilən regionun fəal gənclərinin ekskursiyası zamanı Lənkəran-Astara Regional Gənclər və İdman İdarəsinin əməkdaşları və Cənub Könüllülərinin region gəncləri ilə görüşü baş tutub.
Lənkəran Luxe hoteldə baş tutan görüşdə Lənkəran-Astara Regional Gənclər və İdman İdarəsinin rəis müavini Könül Manafova iştirakçıları salamlayaraq, onlara " Gənclər paytaxtı" seçilmiş Lənkəran şəhərində keçirilən böyük miqyaslı tədbirlər barədə məlumat vermiş,ölkədə dövlət tərəfindən gənclərə göstərilən diqqət və qayğıdan söz açmışdır.Daha sonra Dağlıq Şirvan Regional Gənclər və İdman İdarəsinin rəis müavini Fərhad Qurbanov iştirakçıları salamlayaraq təşkil edilmiş maraqlı və əyləncəli görüşə görə LARGİİ-nin rəhbərliyi və onun kollektivinə təşəkkürünü bildirmişdir.
Görüş zamanı gənclər özlərini tanıdıb, hər biri maraq dairəsindən, fəal olduqları sahələrdən bəhs ediblər.
Çıxışlardan sonra region gəncləri üçün könüllülər tərəfindən bir-birindən maraqlı,şux,oynaq mahnılar səsləndirilib.
#AZEidman #AZEgənclər
