4 oktyabr 2024-cü il tarixində Dağlıq Şirvan Regional Gənclər və İdman İdarəsinin Qobustan rayonu üzrə gənclər və idman sektorunun təşkilatçılığı ilə "İdman hamı üçün" layihəsi çərçivəsində “Ağırlıqqaldırma” zalında Azərbaycan Respublikasının Əməkdar məşqçisi Şəmsi Səfərlinin rəhbərliyi altında ağırlıqqaldırma idman növü üzrə nümunəvi çıxış təşkil olunub.
Əməkdar məşqçi nümunəvi çıxışlardan öncə yeniyetmə idmançılara və həvəskarlara ağırlıqqaldırma idman növü haqqında ətraflı məlumat verərək yeniyetmə və gəncləri bu idman növü ilə məşğul olmağa dəvət etmişlər.
İştirakçılar qızışdırıcı fiziki hərəkətləri yerinə yetirdikdən sonra təcrübəli məşqçinin rəhbərliyi altında ağırlıqqaldırmanın birdən və təkanla qaldırma hərəkətlərini yerinə yetirmişlər.
Ağırlıqqaldırma üzrə nümunəvi çıxışın təşkil olunmasında məqsəd uşaq və yeniyetmələr arasında ağırlıqqaldırma idman növünə marağın artırılması, sağlam həyat tərzinin təbliği və asudə vaxtın səmərəli təşkilidir.
#gənclərvəidmannazirliyi #birkimibirlikdə #AZEsport
