30 aprel 2024-cü il tarixdə Dağlıq Şirvan Regional Gənclər və İdman İdarəsinin və İsmayıllı rayon Heydər Əliyev Mərkəzinin birgə təşkilatçılığı ilə Heydər Əliyev adına parkda “Yaşıl dünya naminə həmrəylik ili” çərçivəsində etüd mövzusunda rəsm müsabiqəsi keçirilib.
Tədbirin keçirilməsində əsas məqsəd “Yaşıl dünya naminə həmrəylik ili”nin qeyd edilməsi, təbii və mənəvi dəyərlərə hörmətlə yanaşılması ilə bağlı maarifləndirmə işlərinin aparılması, gənclərdə ətraf mühitə qarşı həssas münasibətin formalaşdırılması, həmçinin istedadların üzə çıxarılması və tanıdılması olub.
Tədbirdə Dağlıq Şirvan Regional Gənclər və İdman İdarəsinin rəis müavini Fərhad Qurbanov və idarə əməkdaşları, Heydər Əliyev Mərkəzinin direktoru Mayıl Fərəcov və mərkəzin əməkdaşları, rəssam müəllim Fidan Əliyeva, məktəblilər və valideynlər iştirak ediblər.
Çıxış edənlər iştirakçılara uğur arzuladıqdan sonra “Yaşıl dünya naminə həmrəylik ili” ilə əlaqədar cənab Prezidentin müfaviq Sərəncamı haqqında və bu istiqamətdə keçirilən tədbirlərin məqsədi, eyni zamanda gənclər üçün faydalı tərəfləri haqqında məlumat veriblər.
Rəsm müsabiqəsində gənclər çəkdikləri rəsmləri təqdim ediblər. Müsabiqənin yekun sərgisi İsmayıllı rayon Heydər Əliyev adına parkda yekunlaşıb və sərgi iştirakçılar tərəfindən maraqla qarşılanıb.
Sonda müsabiqə iştirakçıları təşkilatçılar tərəfindən fəxri fərmanlarla mükafatlandırılıblar.
