Kongo Demokratik Respublikasında (KDR) qeydə alınan Ebola virusu yeni bir pandemiyanın "baş məşqi" hesab olunur.
Bu barədə "Financial Times" qəzetinin mənbələrə istinadla dərc etdiyi məqalədə bildirilir.
Qeyd edilir ki, Ebola ilə bağlı vəziyyət dünya səhiyyə sisteminin maliyyələşmə çətinlikləri və elmi institutlara etimadın azalması fonunda üzləşə biləcəyi yeni çağırışdan əvvəlki bir sınaqdır.
Nəşr xəbərdarlıq edib ki, Ebolanın növbəti pandemiyaya səbəb olması ehtimalı az olsa da, Konqodakı bu vəziyyət beynəlxalq səhiyyə maliyyəsinin azaldığı, elmə və çoxtərəfli həll yollarına ictimai etimadın zəiflədiyi bir dövrdə gələcəkdə baş verə biləcək hadisələrin xəbərçisidir.
Mayın 17-də Ümumdünya Səhiyyə Təşkilatı (ÜST) Konqo və Uqandada Ebola qızdırması epidemiyası səbəbindən beynəlxalq fövqəladə vəziyyət rejimi elan edib.
