2026-cı il orta qlobal temperaturun 1,4 °C həddini aşdığı ardıcıl dördüncü il ola bilər.
Bu barədə Britaniyanın Meteorologiya İdarəsi məlumat yayıb.
Alimlər 2026-cı ilin hava ilə bağlı müşahidələrin aparılmağa başladığı andan bəri ən isti illərdən biri olaca\ını proqnozlaşdırır. Bu, istiliyi atmosferdə saxlayan istixana qazlarının planetin isinməsini davam etdirməsi fonunda baş verə bilər.
Qeyd edilir ki, 2025-ci ilin yanvar-noyabr ayları üzrə qlobal orta temperatur sənayeöncəsi səviyyədən 1,48°C yüksək olub.
Hələlik 2024-cü il müşahidələr aparılmağa başlanandan bəri ən isti il olaraq qalır və 1850-1900-cü illər bazis dövrü ilə müqayisədə temperaturun ilk dəfə 1,5°C həddini aşdığı il kimi tarixə düşüb.
