Ukrayna müharibəsi rəsmi Kiyev üçün ciddi nəqliyyat problemlərinə də səbəb olub.
Bu barədə TASS məlumat yayıb. Nəşr ölkənin Nazirlər Kabinetinə istinad edib. Məlumata görə, Ukrayna ötən ilin yanvar ayı ilə sentyabr ayı arasında ölkə üzrə bütün lokomotiv parkının təxminən 14%-ni itirib.
Hesabatda Kiyevin bu dövrdə təxminən 500 lokomotiv itirdiyi qeyd olunur. Bu il də xeyli lokomotiv sıradan çıxarılıb.
Qeyd edilib ki, Ukraynada münaqişənin kəskinləşməsi, müharibənin başlanmasından sonra təxminən 600 lokomotiv istismardan çıxarılıb. Bu, 2022-ci ilin fevral ayına qədər təxminən 3500 müxtəlif markalı lokomotivdən ibarət olmuş bütün parkın təxminən 17%-ni təşkil edir. Məhv olmuş lokomotivlərin yeniləri ilə əvəz edilməsinin ölkəyə ən azı 2 milyard dollara başa gələcəyi gözlənilir.
