Hörmətli cənab Prezident!
Azərbaycan Respublikasının inkişafı, ölkəmizdə həyata keçirilən genişmiqyaslı islahatlar və xüsusilə Naxçıvan Muxtar Respublikasına göstərdiyiniz xüsusi diqqət və qayğıya görə Sizə dərin minnətdarlığımı bildirirəm.
Naxçıvan Muxtar Respublikasında son dövrdə həyata keçirilən yeniliklər, mühüm dəyişikliklər və inkişaf yönümlü addımlar Sizin rəhbərliyinizlə həyata keçirilən dövlət siyasətinin mühüm nəticələrindən biridir.
Naxçıvanın gələcək inkişafı, sabitliyi, idarəetmənin təkmilləşdirilməsi və insanların rifahının yüksəldilməsi istiqamətində görülən işlərə görə Sizə təşəkkür edirəm.
Ulu Öndər Heydər Əliyevin “Təhsil millətin gələcəyidir” müdrik kəlamından irəli gələn prinsiplər əsasında təhsilə və gənc nəslin inkişafına göstərilən diqqət və qayğı da xüsusi minnətdarlıq doğurur.
İnanıram ki, Sizin rəhbərliyinizlə Azərbaycanımız, o cümlədən Naxçıvan Muxtar Respublikası bundan sonra da böyük uğurlara və yeni inkişaf mərhələlərinə qədəm qoyacaqdır.
Sizə möhkəm cansağlığı, uzun ömür və Azərbaycanımızın tərəqqisi naminə fəaliyyətinizdə yeni uğurlar arzulayıram.
Dərin hörmət və minnətdarlıqla,
Səfər Əlirzayev
Azərbaycan Respublikası, Naxçıvan Muxtar Respublikası, Babək rayonu, Nehrəm kəndi.
