ABŞ hərbçiləri İran ərazisindəki hədəflər siyahısını genişləndirməyə davam edir.
Növbəti zərbə ölkənin ən böyük limanı olan Bəndər-Abbasda yerləşən strateji dəmir yolu qovşağına endirilib.
Bildirilir ki, hücum nəticəsində iki nəfər ölüb, daha dörd nəfər yaralanıb. Dəmir yolu stansiyası Hörmüz boğazı vasitəsilə yük axınını təmin edən nəqliyyat infrastrukturunun əsas elementi hesab olunur.
Yolların və vaqonların zədələnməsi barədə təfərrüatlar hələlik açıqlanmır. Bu hücum CENTCOM-un iyulun 16-da başladığını elan etdiyi genişmiqyaslı hava kampaniyasının davamıdır.
Daha əvvəl İran mediası Əhvaz, Buşəhr, Bəndər-Xomeyni və İranşəhr hava limanı da daxil olmaqla bir sıra şəhərlərdə partlayışlar və hava zərbələrinin qeydə alındığını bildirmişdi. Regionda vəziyyət son dərəcə gərgin olaraq qalır.
