Xroniki baş ağrıları təkcə nevroloji deyil, həm də ağız boşluğu problemləri ilə bağlı ola bilər.
Bunu “Kp.ru”ya açıqlamasında stomatoloq Maksim Obuşenkov deyib.
Həkim bildirib ki, malokluziya (dişlərin düzgün qapanmaması), çənə oynağının disfunksiyası və dişlərdə iltihabi proseslər baş ağrısına səbəb ola bilər.
Onun sözlərinə görə, bu zaman çənə əzələləri qeyri-bərabər işləyir, əzələ gərginliyi artır, damarlar spazma düşür və sinir ucları sıxıla bilər. Ağrılar bəzən miqren kimi qəbul edilsə də, əsl səbəb dişlərdə ola bilər.
Mütəxəssis gündəlik ağız gigiyenasına diqqət yetirməyin vacibliyini vurğulayıb. Onun sözlərinə görə, təkcə diş fırçası kifayət deyil, əlavə olaraq irriqatorlar, xüsusi fırçalar və reminerallaşdırıcı vasitələrdən də istifadə olunmalıdır.
