Gəncə-Daşkəsən Regional Təhsil İdarəsinin tabeliyində fəaliyyət göstərən ümumi təhsil müəssisələrində təşkil olunan dərnəklərin fəaliyyəti ilə bağlı hesabatların dinlənilməsi prosesi davam edir.
Müəyyənləşdirilmiş komissiya tərəfindən keçirilən dinləmələr zamanı dərnəklərin fəaliyyət istiqamətləri, həyata keçirilən tədbirlər, şagird nailiyyətləri və qarşıya qoyulmuş hədəflərin icra vəziyyəti müzakirə olunub. Hesabatların təqdimatı zamanı əldə olunan nəticələr təhlil edilərək fəaliyyətin daha da təkmilləşdirilməsi ilə bağlı fikir mübadiləsi aparılıb.
Hesabatların dinlənilməsində əsas məqsəd dərnəklərin fəaliyyətinin qiymətləndirilməsi, tədris və tərbiyə prosesinə verdiyi töhfələrin müəyyənləşdirilməsi, eləcə də gələcək fəaliyyət istiqamətlərinin planlaşdırılmasıdır.
Qeyd edək ki, ümumi təhsil müəssisələrində fəaliyyət göstərən dərnəklərin hesabatlarının dinlənilməsi prosesi mərhələli şəkildə davam etdiriləcəkdir.
