“Bu gündən başlayaraq ay ərzində Xəzər dənizinin Azərbaycana mənsub olan bölməsində 150 min nərə balığı körpəsinin su hövzələrinə buraxılması nəzərdə tutulur”.
Bunu kənd təsərrüfatı naziri Məcnun Məmmədov Bioloji Müxtəliflik üzrə Beynəlxalq Günə həsr olunmuş tədbirdə çıxışı zamanı bildirib.
Nazir qeyd edib ki, növbəti aylarda balıq sayının 500 minə qədər yüksəldilməsi planlaşdırılıb:
"Bununla yanaşı, payız aylarında 50 min qızılbalıq körpələrinin yetişdirilərək ölkədaxili su hövzələrinə buraxılması nəzərdə tutulur".
Nazir əlavə edib ki, Xəzər dənizində və daxili su hövzələrində su bioresurslarının qorunması, balıqartırma tədbirlərinin həyata keçirilməsi, balıqçılıq fəaliyyətinə nəzarətin gücləndirilməsi və akvakultura sahəsində müasir yanaşmaların tətbiqi əsas hədəflərdən biridir. \\Metbuat.az\\
