“Arsenal” və “Real Madrid”in keçmiş oyunçusu Məsut Özil “kral klubu”nda xələfinin kim olduğu haqda danışıb.
“Madrid Xtra” sosial media hesabı keçmiş futbolçunun sözlərini sitat gətirib:
“Gülər Madriddə mənim varisimdir. Düşünürəm ki, bu oğlan məndən daha çox şeyə nail olacaq. Onun oyununu izləməkdən zövq alıram. O, daha da güclənə bilər”.
21 yaşlı Gülər 2023-cü ilin yayından bəri Madrid nəhəngində oynayır. Türk yarımmüdafiəçinin müqaviləsi 2029-cu ilin iyun ayının sonunda bitir. “Transfermarkt” mütəxəssisləri yarımmüdafiəçinin bazar dəyərini 90 milyon avro olaraq qiymətləndirirlər.
