Dağlıq Şirvan Regional Təhsil İdarəsinin tabeliyində fəaliyyət göstərən ümumtəhsil məktəblərinin IX–XI sinif şagirdləri arasında “Zəkaların mübarizəsi” olimpiadasının şahmat turniri üzrə regional mərhələ uğurla təşkil edilib.
Olimpiada Heydər Əliyev Fondu və Elm və Təhsil Nazirliyinin birgə əməkdaşlığı ilə həyata keçirilir. Layihənin əsas məqsədi şagirdlərdə fənlərə marağın artırılması, sağlam rəqabət mühitinin formalaşdırılması və onların intellektual inkişafına dəstək verməkdir.
Tədbir Azərbaycan Respublikasının Dövlət Himninin səsləndirilməsi ilə başlayıb.
Açılış mərasimində çıxış edən idarənin Tədrisin keyfiyyəti sektorunun müdiri Cəmil Muradov iştirakçıları salamlayaraq “Zəkaların mübarizəsi” olimpiadasının şagirdlərin intellektual inkişafında və məntiqi təfəkkürünün formalaşmasında mühüm rol oynadığını vurğulayıb. O, çıxışında iştirakçılara uğurlar arzulayıb və bu cür təşəbbüslərin gələcəkdə daha böyük nailiyyətlərə zəmin yaradacağını bildirib.
♟️ Turnirdə Şamaxı, İsmayıllı, Ağsu və Qobustan rayonlarını təmsil edən komandalar iştirak ediblər. Yarışlar beynəlxalq FIDE qaydalarına uyğun və ədalətli şəkildə keçirilib.
???? Nəticələr:
???? Ağsu – I yer
???? Şamaxı – II yer
???? İsmayıllı – III yer
4️⃣ Qobustan – IV yer
Gərgin mübarizə şəraitində keçən mübarizədə Ağsu rayon təhsil sektoru üzrə şahmat komandası qalib gəlmişdir. Ağsu komandası Bakı şəhərində keçiriləcək respublika mərhələsində regionumuzu təmsil edəcəkdir.
Sonda bütün iştirakçılar diplomlarla təltif olunub.
Bütün şagirdlərimizi təbrik edir, gələcək yarışlarda uğurlar arzulayırıq!
#MÜTDA #EduAz #DağlıqŞirvanRTİ #ZəkalarınMübarizəsi #ŞahmatTurniri
