İctimai Televiziyada yayımlanan layihənin bu mövsümündə yalnız ümumi təhsil müəssisələrinin 9-cu sinif şagirdləri iştirak edir. Qeydiyyatdan keçən şagirdlər seçim turunda öz bilik və bacarıqlarını sınamaq imkanı əldə ediblər.
25 aprel 2026-cı il tarixində seçim turu Bakı şəhəri ilə yanaşı, ölkənin 11 regionunu əhatə etməklə ümumilikdə 12 şəhərdə eyni vaxtda təşkil olunub.
Abşeron–Xızı Regional Təhsil İdarəsi üzrə seçim mərhələsi Sumqayıt şəhər 18 nömrəli tam orta ümumtəhsil məktəbində baş tutub.
Seçim turunda regionun tabeliyində olan Sumqayıt şəhəri, Abşeron və Xızı rayonlarını təmsil edən ümumilikdə 30 nəfərdən ibarət komanda (15 qız, 15 oğlan) iştirak edib.
Şagirdlərə uğurlar arzulayırıq!
