22–23 aprel tarixlərində IV sinif şagirdlərinin oxu savadlılığının səviyyəsini qiymətləndirən beynəlxalq PIRLS 2026 tədqiqatının (Oxu Savadlılığının İnkişafı üzrə Beynəlxalq Qiymətləndirmə Tədqiqatı) əsas mərhələsi uğurla keçirilib.
PIRLS 2026 tədqiqatının əsas mərhələsində Mərkəzi Aran Regional Təhsil İdarəsinin tabeliyində fəaliyyət göstərən 14 ümumtəhsil məktəbi üzrə ümumilikdə 328 şagird iştirak edib.
Qeyd edək ki, PIRLS qiymətləndirməsi hər beş ildən bir keçirilir və 2016-cı ildən etibarən şagirdlərin yalnız ənənəvi materiallar üzrə deyil, eyni zamanda onlayn mühitdə (ePIRLS) təqdim olunan mətnlər üzrə oxu savadlılığı da ölçülür. Azərbaycan bu qiymətləndirmə dövründə ilk dəfə ePIRLS komponentində iştirak edir. ePIRLS şagirdlərin onlayn mühitdə məlumatı tapmaq, onu digər məlumatlarla əlaqələndirmək və təhlil etmək bacarıqlarını qiymətləndirir.
Təhsil sahəsində qlobal miqyasda mühüm göstəricilərdən biri hesab edilən bu tədqiqat Təhsil Nailiyyətlərinin Qiymətləndirilməsi üzrə Beynəlxalq Assosiasiya (IEA) tərəfindən həyata keçirilir.
Ölkəmizdə tədqiqatın təşkili Elm və Təhsil Nazirliyi, Təhsil İnstitutu və Məktəbəqədər və Ümumi Təhsil üzrə Dövlət Agentliyi tərəfindən təmin olunur.
#EduAz #MərkəziAranRTİ #MÜTDA #PIRLS2026
