Qlobal miqyasda temperaturun artması Azərbaycanda ciddi su problemi yaratmaq potensialına malikdir.
Bunu AR Elm və Təhsil Nazirliyinin akademik H.Əliyev adına Coğrafiya İnstitutunun İqlim və aqroiqlimşünaslıq şöbəsinin aparıcı elmi işçisi, c.ü.f.d. dosent Həsən Nəbiyev Crossmedia.az-a müsahibəsində deyib:
“Temperatur artımı ilə suyun buxarlanma prosesi sürətlənir. Yağıntıların miqdarı bütün vilayətlərdə azalır, bu azalma dağətəyi ərazilərdə daha çox hiss olunur. Bu da çayların su səviyyəsinə təsir edir, buzlaqlar əriyir və gələcəkdə su ehtiyatlarınin azalmasına və ölkədə ciddi su probleminin yaranmasına gətirib çıxara bilər”.
