Gəncə-Daşkəsən Regional Təhsil İdarəsinin tabeliyində fəaliyyət göstərən ümumi təhsil müəssisələrində 2–5 mart tarixlərini əhatə edən İdman həftəsi uğurla yekunlaşıb.
İdman həftəsi çərçivəsində məktəblərdə müxtəlif idman yarışları, turnirlər və müsabiqələr keçirilib. Şagirdlər arasında futbol, voleybol, basketbol və digər idman növləri üzrə maraqlı və rəqabətli yarışlar təşkil olunub. Həmçinin, idmançı qonaqlar və mütəxəssislərin iştirakı ilə maarifləndirici görüşlər, seminarlar və sağlam həyat tərzinin təbliğinə dair təqdimatlar keçirilib.
Tədbirlərin keçirilməsində əsas məqsəd yalnız idman bacarıqlarının inkişaf etdirilməsi deyil, eyni zamanda şagirdlərin fiziki və mənəvi sağlamlığının möhkəmləndirilməsi, məktəbli kollektivlərində komanda ruhunun gücləndirilməsi və gənc nəslin idmana marağının artırılması olub.
Gəncə şəhər 28 nömrəli tam orta məktəb
#GəncəDaşkəsənRTİ #Məktəb #Müəllim #Şagird #İdmanHəftəsi
