Azərbaycan Müdafiə Nazirliyinin sosial şəbəkə hesabında 1 nömrəli səfərbərliklə bağlı paylaşım edilib.
Paylaşımda 1 nömrəli səfərbərliyin izahı verilib.
Rəsmi açıqlamaya əsasən, 1 nömrəli səfərbərlik dedikdə ilk növbədə Silahlı Qüvvələrin tam döyüş hazırlığı vəziyyətinə gətirilməsi nəzərdə tutulur.
Bu proses çərçivəsində ehtiyatda olan hərbi qulluqçuların ordu sıralarına çağırılması həyata keçirilir və hərbi hissələr dərhal döyüş mövqelərinə və ya əvvəlcədən təyin olunmuş xüsusi ərazilərə çıxarılır.
Nazirliyin maarifləndirici xarakter daşıyan bu izahı hərbi terminlərin düzgün anlaşılması və ordunun yüksək hazırlıq səviyyəsinin mahiyyətini izah etmək məqsədi daşıyır.
