Almanlar Rusiya qazının çatışmazlığı səbəbindən ciddi iqtisadi problemlərə hazırlaşmalıdırlar.
Bunu Almaniya Konstitusiya və Suverenlik Şurasının rəhbəri Ralf Niemeyer “RİA Novosti”yə verdiyi müsahibədə bildirib.
Avropa Qaz İnfrastrukturu Operatorları Assosiasiyasının məlumatına görə, 16 fevral tarixinə qədər Almaniyanın anbarlarında qaz ehtiyatlarının səviyyəsi 22,99 faizə düşüb. Siyasətçi hesab edir ki, Almaniya təyyarə qəzası kimi ən pis ssenariyə hazırlaşmalıdır.
Niemeyer qeyd edib ki, anbarlardakı qaz ehtiyatları 20 faizdən aşağı düşmək təhlükəsi ilə üzləşib.
Əgər vəziyyət pisləşməyə davam edərsə, ehtiyatlar 15 faizə düşəndə qalan qaz müştərilərin evlərinə lazımi qaydada daşına bilməyəcək. Təzyiq saxlanılmadığı təqdirdə bu risk yüksəkdir.
Siyasətçinin sözlərinə görə, Almaniya kansleri Fridrix Mertsin hökuməti iqtisadi sektoru məhv edir, baxmayaraq ki, hakimiyyət orqanları digər Avropa ölkələri kimi sadəcə mayeləşdirilmiş təbii qaz ala bilərdi.
