Sahibkar, "Telegram" messencerinin təsisçisi Pavel Durov, süni intellekt (SI) və TON blokçeynindən (The Open Network) istifadə edəcək mərkəzləşdirilməmiş gizli hesablama şəbəkəsi olan COCOON-un (Confidential Compute Open Network) işə salındığını elan edib.
O, bu barədə "Telegram" kanalında paylaşım edib.
Onun sözlərinə görə, bu şəbəkə istifadəçilərə SI ilə qarşılıqlı əlaqədə 100% məxfilik təmin edir.
""Telegram"ın avtomatik mesaj tərcüməsi ilə bağlı sorğularının bir qismi artıq bu şəbəkə vasitəsilə həyata keçirilir", - Durov yazıb.
Həmçinin o qeyd edib ki, tərtibatçılar mərkəzləşdirilmiş provayderlər, məsələn "Microsoft" və ya "Amazon" ilə müqayisədə daha aşağı qiymətlərlə hesablama resurslarına çıxış əldə edirlər. Onun sözlərinə görə, qrafik kart sahibləri COCOON-a öz avadanlıqlarını qoşmaqla real vaxtda TON kriptovalyutası qazana bilərlər.
Oktyabrın 29-da Durov bildirib ki, "Telegram" blokçeyn, süni intellekt və sosial şəbəkələrin kəsişməsində yerləşir. Eyni zamanda o, vurğulayıb ki, mərkəzləşdirilmiş SI platformaları tez-tez istifadəçilərin şəxsi məlumatlarını toplayır və istifadə edir, halbuki COCOON decentralizasiya və məxfilik prinsiplərinə əsaslanan alternativ kimi yaradılır.
