İsmayıllı bələdiyyəsində kollektivin iştirakı ilə 8 Noyabr – Zəfər Gününə həsr olunmuş görüş keçirilib.
Bələdiyə sədri Qüdrət Kazımov çıxış edərək Zəfər Gününün Azərbaycan Respublikasının dövlətçilik tarixində xüsusi yerini, xalqımızın milli iradəsini, dövlət-xalq birliyini və qəhrəman Ordumuzun qüdrətini qürurla vurğulayıb.
Bələdiyyə sədri şəhid Ramil Musayevin xanımı Aydan Musayevanı kollektiv adından xüsusi təbrik edərək bildirib ki, şəhidlərimizin göstərdiyi qəhrəmanlıq Azərbaycanın tarixində əbədi yaşayacaq. O, çıxışının sonunda Vətən müharibəsində iştirak etmiş, ölkə Prezidentinin sərəncamı ilə orden və medalla təltif edilmiş bələdiyyə əməkdaşı Bəkirov Ruslan Vahid oğlunun göstərdiyi şücaəti bələdiyyə kollektivi adından dərin minnətdarlıqla qeyd etmiş, onu Fəxri Fərmanla təltif etmişdir.
Əziz rayon sakinləri, dəyərli həmvətənlər, İsmayıllı bələdiyyəsi Sizi Zəfər Günü münasibətilə təbrik edir!
