İsrail və Livan yaxın günlərdə Cənubi Livanda pilot zonaların yaradılmasını müzakirə edəcək.
Bu barədə "The National" nəşri Livandakı diplomatik mənbəsinə istinadən məlumat verib.
Bildirilib ki, bu zonalar İsrail Ordusunun mərhələli şəkildə bölgədən çıxarılması planının bir hissəsidir.
Mənbənin sözlərinə görə, tərəflərin hərbi nümayəndə heyətləri yaxın günlərdə görüşərək ilk növbədə bu zonaların yaradılması üçün vaxt cədvəlini müəyyənləşdirəcəklər.
Bildirilib ki, Romada keçirilən son danışıqlarda Livan prosesi mümkün qədər tez başlamağı təklif edib. İsrail tərəfi isə məsələ ilə bağlı qərarını hərbi müşavirədən sonra açıqlayacağını bildirib.
Qeyd edək ki, daha əvvəl ABŞ diplomatik mənbələri İsrail və Livanın razılaşmaların icrasında irəliləyiş əldə etdiyini və danışıqların texniki mərhələyə keçəcəyini açıqlamışdı.
