Populyar "Telegram" mesencerinin beta versiyasında yeni funksiyanın - hədiyyələrin satışı və alışı üçün hərrac funksiyasının tətbiqi əlamətləri aşkar edilib.
Bu barədə məlumat "Kod Durova" "Telegram kanalında yayılıb.
İlkin məlumata görə, istifadəçilərin bir-birinə göndərə biləcəkləri hədiyyələr artıq hərrac formatında həyata keçiriləcək. Bildirilir ki, onlar əlli ədəddən ibarət lotlar şəklində satışa çıxarılacaq. İştirakçılar platformanın daxili valyutası olan "Ulduzlar"/"Stars"la mərc edə biləcəklər.
Hərrac mexanizminə görə, mərc miqdarına görə "Top-50"də yer alan istifadəçilər müvafiq hədiyyə partiyasını alacaqlar. Digər iştirakçıların mərcləri növbəti raunda köçürüləcək və orada növbəti partiya uğrunda yarış gedəcək. Bu proses mövcud hədiyyələr paylanana qədər davam edəcək.
Sistem vəsaitin qaytarılmasına tam zəmanət verir. Belə ki, əgər istifadəçi bütün raundlar ərzində 50 qalib sırasında yer almırsa, hədiyyədən məhrum olursa, onda mərc üçün xərclədiyi bütün "Ulduzlar" ona qaytarılır.
Xatırladaq ki, əsası 2013-cü ildə Pavel və Nikolay Durovlar tərəfindən qoyulmuş "Telegram" dünyanın müxtəlif növ məlumatları və media faylları mübadilə edən aparıcı krosplatforma mesencerlərindən bidirir.
