Ukrayna prezidenti Vladimir Zelenski İranda "ABŞ qurbanı" kimi təqdim edilib.
Bu barədə “Strana.ua” məlumat yayıb.
Bildirilir ki, Tehranın mərkəzində Azadlıq heykəlinin başını təsvir edən plakat peyda olub. Onun tacında ABŞ-ın əlindən əziyyət çəkən siyasətçilərin portretləri var.
Onların arasında İranın sonuncu şahı Rza Pəhləvi, Liviyanın sabiq lideri Müəmmər Qəddafi, İraqın keçmiş prezidenti Səddam Hüseyn və Ukrayna lideri Vladimir Zelenski təsvir edilib.
Plakatın başlıqlarında belə yazılıb: “Azadlıq vədinin pərdəsi arxasında” və “ABŞ qüdrətli şeytandır”.
