Yeni elmi araşdırma qan qrupu ilə insanın intellekt səviyyəsi arasında maraqlı bir əlaqə ola biləcəyini ortaya qoyub. 20 mindən çox iştirakçının qatıldığı tədqiqatda AB qan qrupuna sahib insanların orta IQ göstəricisinin digər qan qruplarından daha yüksək olduğu müəyyən edilib.
Eyni zamanda, 10 min nəfərlik əlavə nümunə üzərində aparılan analizlər göstərib ki, AB qan qrupu olan şəxslər ümumilikdə daha yüksək təhsil səviyyəsinə malikdirlər.
Mütəxəssislərin fikrincə, AB qan qrupu A və B qruplarının xüsusiyyətlərini birləşdirdiyi üçün bu şəxslər həm analitik düşünmə, həm də empatiya qabiliyyətinə malik olurlar. Onlar adətən məntiqli, tənqidi düşünən, asan uyğunlaşan və peşə həyatında daha sürətli irəliləyən insanlar kimi xarakterizə olunurlar.
Araşdırmada AB qan qrupu daşıyıcılarının bu xüsusiyyətləri vurğulanıb:
Empatik və yardımsevər, Dinc və anlayışlı, Analitik düşüncəyə malik, Xarizmatik və liderlik potensialı yüksək.
Alimlər qeyd edirlər ki, bu nəticələr maraqlı olsa da, qan qrupu ilə zəka arasında birbaşa səbəb-nəticə əlaqəsi hələ tam sübut olunmayıb və əlavə tədqiqatlara ehtiyac var.
