Tanınmış fizik Albert Eynşteynə məxsus skripka hərracda təxminən 1.1 milyon funt sterlinqə (təxminən 1.5 milyon dollar - red.) satılıb.
Bu barədə "The Daily Mail" məlumat yayıb.
Qeyd olunub ki, nisbilik nəzəriyyəsinin ixtiraçısı bu musiqi alətini 1890-cı illərin ortalarında, Sürix Politexnik Məktəbində təhsil almaq üçün İsveçrəyə getməzdən bir müddət əvvəl Almaniyada əldə edib.
1930-cu illərdə nasistlər hakimiyyətə gələndə Eynşteyn ABŞ-yə mühacirət etmək qərarına gəlib. Əşyalarının itməməsi üçün alim onları fizik Maks fon Laueyə verib. Bu əşyalar arasında skripka, həmçinin atası tərəfindən gənc Eynşteynə hədiyyə edilmiş velosiped və fəlsəfə kitabı da olub.
