Gözlərin altındakı qara dairələr adətən yorğunluq və yuxusuzluq ilə assosiasiya olunur ki, bu da sağlamlıqla bağlı problemlərdən xəbər verən həyəcan siqnalı ola bilər.
Bu barədə rusiyalı cərrah, Rusiya Dövlət Təhsil Universitetinin Tibb fakültəsinin Cərrahiyyə kafedrasının müəllimi Aleksandr Umnov Lenta.ru-ya müsahibəsində danışıb.
Cərrah qeyd edib ki, əksər hallarda göz altındakı qançırlar kəllə əsasının, yuxarı çənənin və ya göz yuvası (orbital) sümüklərinin sınıqları zamanı yaranan travmaların nəticəsidir. Lakin bu qançırlar həmçinin qaraciyər və ürək-damar funksiyalarının pozulması kimi gizli patologiyaların da göstəricisi ola bilər.
"Nəzəri cəhətdən, qaraciyər xəstəlikləri zamanı damar yatağının keçiriciliyi pozula bilər ki, bu da diapidez qanaxmalara gətirib çıxarır, bu zaman qan elementlərinin müxtəlif yerlərdə damarların divarlarından sızması baş verir", - deyə Aleksandr Umnov bildirib.
"Belə patologiyalarla onkotik təzyiqin saxlanmasına cavabdeh olan zülalların ifrazı pozulur və bu da qanaxmaya səbəb olur", - deyə həkim əlavə edib.
