Milli Məclisin deputatı Novruzəli Aslanov 19 aprel 2025-ci il tarixində İsmayıllıda növbəti dəfə vətəndaşları qəbul edib.
Bu görüş rayonun Hacıhətəmli kəndində keçirilib. Qəbul zamanı kənd sakinlərini narahat edən sosial yönümlü məsələlər və şəxsi müraciətlər müzakirə olunub. Xüsusən Hacıhətəmli kəndinin elektrik enerjisi ilə təchizatında müəyyən problemlərin olduğu deputatın diqqətinə çatdırılıb. Novruzəli Aslanov vətəndaşlar tərəfindən qaldırılan sosial yönümlü məsələləri və şəxsi müraciətləri qeydə alaraq onların həlli istiqamətində müvafiq addımların atılacağını bildirib.
Deputat Novruzəli Aslanovun keçirdiyi qəbulda iştirak edən Hacıhətəmli kənd sakinləri və rayon ictimaiyyətinin nümayəndələri Ölkə Prezidenti cənab İlham Əliyevə və Birinci vitse-prezident Mehriban xanım Əliyevaya göstərilən diqqət və qayğıya görə minnətdarlıqlarını bildiriblər.
