Təhsildə inkişaf və innovasiyalar üzrə VIII qrant müsabiqəsinin fərdi kateqoriya üzrə qalibi olmuş “Öyrənmə kompası” layihəsi çərçivəsində təlimlər davam etdirilir.
Samux rayon Sarıqamış kənd tam orta məktəbin direktoru Elnur Qocayevin rəhbəri olduğu layihənin əsas məqsədi V-IX sinif şagirdləri üçün ingilis dili klubu yaradaraq onların ingilis dili səviyyələrini yaxşılaşdırmaq, inkişaf etdirmək və təkmilləşməsinə nail olmaqdan ibarətdir.
Layihənin əsas vəzifələri ingilis dili klubuna V-IX siniflər üzrə şagirdlərin öz potensial və maraq dairələrini aşkarlamaq məqsədilə müxtəlif mövzularda ingilis dilində dialoqların qurulmasını təşkil etmək, təqdimatlar hazırlamaq, ingilis dilində öz fikirlərini ifadə etmək və başqaları ilə ünsiyyət qurmaq üçün söz və ifadələrin öyrədilməsidir. Klub vasitəsi ilə qeyri-formal təlimlərlə şagirdlərə ingilis dilini daha səmərəli mənimsətmək nəzərdə tutulur.
#GəncəDaşkəsənRTİ
