Şəhid Coşqun Məmmədovun anım günü ilə bağlı məzarı ziyarət olunub, məzarı üstə güllər düzülüb, ruhuna dualar oxunub. Anım tədbirində Şəhid ailələri, Qazilər, Veteranlar, Ucar rayon İcra Hakimiyyətinin rəsmiləri və rayon ictimayyətinin nümayəndələri iştirak edib.
Şəhidlərimizin əziz xatirəsi bir dəqiqəlik sükütla yad edilib.
Anım tədbirində çıxış edənlər qəhrəman Şəhidimizin keçdiyi şərəfli ömür və döyüş yolundan söz açıblar.
Qeyd edək ki, Məmmədov Coşqun Elnur oğlu 1994-cü il mart ayının 8 də Ucar rayonunun Qarabörk kəndində anadan olub. 2020-ci il 27 sentyabrda başlanan haqq savaşımızda döyüşlərə qatılıb.
Suqovuşan və Talış kəndləri istiqamətində gedən döyüşlərdə xüsusi fədakarlıq göstərib.
Ağdərə istiqamətində gedən ağır döyüşlərdə qəhrəmancasına Şəhidlik zirvəsinə ucalıb.
Nəşi noyabrın 21-də böyük izdihamla torpağa tapşırılıb.
Ölümündən sonra "VƏTƏN uğrunda", "Cəsur döyüşçü",
"İğidliyə görə" və "Suqovşanın azad olunmasına görə" medalları ilə təltif olunub.
Çoşqu ailəli idi və bir övladı Vətənə əmanət qaldı.
Məkanı cənnət olsun!
Səbinə Mirzəqızı
Bugün tv
