Mayın 23-də Mərkəzi Aran Regional Təhsil İdarəsinin tabeliyində olan məktəbəqədər təhsil müəssisələrinə musiqi rəhbəri vəzifəsinə işə qəbul üzrə müsabiqənin müsahibə mərhələsi başa çatıb.
Müsahibə mərhələsində təyin olunmuş qrafikə uyğun olaraq, ümumilikdə 38 nəfər namizəd iştirak edib.
Müsahibədə namizədlərin şəxsi keyfiyyətləri, psixoloji vəziyyəti, vəzifə üzrə nəzəri və praktiki bilikləri komissiya tərəfindən yoxlanılıb.
Qeyd edək ki, müsahibə mərhələsində 2 və daha çox namizəd uğur qazandığı halda ilk olaraq şəhid ailəsinin üzvlərinə, həyat yoldaşı və ya özü Vətən müharibəsi iştirakçısı olanlara üstünlük veriləcək.
