28 fevral 2024-cü il tarixdə İsmayıllı rayon Lahıc qəsəbə tam orta məktəbdə Dağlıq Şirvan Regional Gənclər və İdman İdarəsinin və İsmayıllı rayon Təhsil Sektorunun birgə təşkilatçılığı ilə “5 mart-Bədən Tərbiyəsi və İdman Günü” ilə bağlı “İdman Həftəsi” çərçivəsində kütləvi idman tədbiri keçirilib.
Tədbirdə Dağlıq Şirvan Regional Gənclər və İdman İdarəsinin rəis müavini və idman sektor müdiri, Lahıc qəsəbə tam orta və Əhən kənd ümumi orta məktəblərin direktorları, müəllimləri və şagirdləri iştirak ediblər.
Tədbirin keçirilməsində məqsəd yetişməkdə olan gənc nəsil arasında sağlam həyat tərzinə marağın artırılması,tarixi günlərin əhəmiyyətini onlar tərəfindən geniş mənimsənilməsi, zərərli vərdişlərdən uzaq olmaları və asudə vaxtlarının səmərəli təşkil edilməsi olub.
İdman tədbirinin sonunda fəal olan məktəblilər DŞR Gənclər və İdman İdarəsinin fəxri fərmanları ilə təltif olunmuş sonda isə xatirə şəkli çəkilmişdir.
#İdmanHəftəsi #AZEidman #birkimibirlikdə
