Qazaxda yaşayıb, yaradan şairin 60 yaşı tamam olur.
Mustafa Rasim oğlu Mustafayev Azərbaycan Dövlət Universitetinin filologiya fakültəsini bitirib.
1992-ci ildə Azərbaycan Silahlı Qüvvələrinin sıralarında xidmət edib. Birinci Qarabağ müharibəsi veteranıdır.
M.Mustafayev 2000-ci ildən Bakı Dövlət Universitetinin Qazax filialında çalışır. O, eyni zamanda Azərbaycan Yazıçılar Birliyinin(AYB) Qazax bölməsinin ədəbi məsləhətçisidir. 2016-cı il üçün AYB- nin təsis etdiyi Prezident mükafatına layiq görülüb.
O, ədəbi aləmdə Mustafa Rasimoğlu imzası ilə tanınır. “Mənə ürək verin”, "Ürəklərə əkin məni”, “Məni haraylayır Gəmiqayası” adlı şeir kitablarının müəllifidir.
