Təhsil idarəsinin əməkdaşları KİV nümayəndələrinin iştirakı ilə Mingəçevirdə 20 nömrəli tam orta məktəbdə olublar
- - - - -
Dekabrın 25-də Mərkəzi Aran Regional Təhsil İdarəsinin struktur bölmə rəhbər və əməkdaşları kütləvi informasiya vasitələrinin (KİV) nümayəndələrinin iştirakı ilə Mingəçevir şəhər 20 nömrəli tam orta məktəbə baş çəkiblər.
Təhsil idarəsinin əməkdaşları tərəfindən məktəbin tədris prosesi izlənilib, eyni zamanda istilik sisteminin cari vəziyyəti ilə bağlı maraqlanılıb, məktəbin ümumi binasına baxış keçirilib.
Qeyd edək ki, bu gündən etibarən Mingəçevir şəhər 20 nömrəli tam orta məktəbdə istiliyin tam şəkildə təmin olunması həyata keçirilib.
Əlavə olaraq qeyd edirik ki, təhsil müəssisələrində istilik sistemi və mövcud nasazlıqlarla bağlı problem olduğu halda vətəndaşlar Mərkəzi Aran Regional Təhsil İdarəsinin Çağrı Mərkəzi ilə (“146-0-3”) əlaqə saxlaya bilərlər.
