Bərdə Rayon Polis Şöbəsinin təşkilatçılığı ilə 6 saylı tam orta məktəbdə “Gənclər narkomaniyaya yox deyir” mövzusunda maarifləndirmə tədbiri keçirilib.
Çıxış edən RPŞ-nin rəisi, polis polkovniki Ənvər Həsənov müasir dövrümüzün bəlası olan narkomaniyanın insanlara vurduğu fiziki, mənəvi və maddi zərərlərdən söz açıb. Yaşadığımız dövrdə bəşəriyyəti təhdid edən narkotik asılılığının yaratdığı hallardan danışan rəis narkomaniya ilə mübarizə istiqamətində görülən işlər haqqında da geniş məlumat verib.
Digər çıxışçılar da şagirdləri narkotiklərdən istifadədən uzaq durmağa, dərslərə məsuliyyətlə yanaşmağa çağırıblar.
Sonda isə iştirakçıları maraqlandıran suallar cavablandırılıb.
