Avropada hər il təxminən 800 000 insan alkoqol qəbulu ilə əlaqədar həyatını itirir.
Bu barədə Ümumdünya Səhiyyə Təşkilatı (ÜST) məlumat yayıb.
Məlumata görə, Avropa dünyada spirtli içkilərin ən çox istehlak edildiyi regiondur. Regionda alkoqol istifadəsi hər il təxminən 800 min ölümə səbəb olur. Bu da hər on bir ölümdən birinə bərabərdir.
Bu göstəricilər həm yol-nəqliyyat hadisələri nəticəsində baş verən ölümlərə, həm də özünə zərərvermə hallarına aiddir.
ÜST ekspertləri qeyd ediblər ki, heç bir başqa psixoaktiv maddə bu qədər çox xəsarət və ölüm halları ilə əlaqəli deyil.
