Azərbaycan Qəzza zolağına sabitləşdirici qüvvə göndərmək üçün əsas namizədlərdən biridir.
Bu barədə "Politico" nəşri ABŞ Müdafiə Nazirliyinin nümayəndəsinə istinadən məlumat yayıb.
Məlumata görə, ölkəmizlə yanaşı İndoneziya və Pakistan da Qəzza zolağına öz sülhməramlılarını göndərmək üçün başlıca iddiaçılar sayılır.
ABŞ Müdafiə Nazirliyinin nümayəndəsi bildirib ki, məhz bu ölkələr Qəzzadakı sabitləşdirici missiyaya ən böyük marağı ifadə ediblər. Lakin hazırda bu qüvvələrin tərkibinə dair danışıqlar davam edir və heç bir ölkə hələ ki qəti öhdəlik götürməyib.
