2025 FA22 adlı asteroid 18 sentyabr tarixində Yer kürəsinə yaxın məsafədən keçəcək.
Səma cismi Ay orbitinin diametrindən bir qədər böyük məsafədə Yerə yaxınlaşacaq.
Elm adamlarının bildirdiyinə görə, asteroidin orta ölçüsü 166 metr, uzunluğu isə 290 metrdir. Onun kütləsi 2013-cü ildə Rusiyanın Çelyabinsk şəhəri üzərində partlayan meteoritdən 1000 dəfə böyükdür.
Mütəxəssislər qeyd edir ki, asteroid Yerə təhlükə yaratmasa da, onun bu qədər yaxın məsafədən keçməsi diqqət çəkən hadisədir və müşahidələr üçün mühüm imkan yaradacaq.
