"Apple" şirkətinin "iPhone 17" seriyasının təqdimatına bir neçə gün qalmış, "Pro" modellərinə aid əsas dizayn sirri nəhayət üzə çıxıb.
Bu barədə məlumatı "MacRumors" nəşri yayıb.
Bildirilir ki, "Apple" məhsulları ilə bağlı dəqiq proqnozları ilə tanınan məşhur insayder və "Bloomberg" agentliyinin müxbiri Mark Qurman əsas sirri açıqlayıb.
Onun sözlərinə görə, "iPhone 17 Pro" modellərində korpusun aşağı üçdə iki hissəsində yeni kəsik olacaq. Bu kəsik simsiz enerji doldurma zonası kimi fəaliyyət göstərəcək.
