Türkiyənin Ticarət Nazirliyi bankda hesabları olan vətəndaşlara kritik xəbərdarlıq edib.
Bu barədə yerli KİV məlumat yayıb.
“Hesab məlumatlarınızı, bank kartı nömrələrinizi və rəqəmsal bank parollarınızı heç vaxt üçüncü şəxslərlə paylaşmayın!”, - deyə xəbərdarlıqda qeyd olunub.
Son zamanlar bəzi vətəndaşların maliyyə qazancı vədi ilə öz hesablarından başqalarının istifadəsinə icazə verdikləri və bu səbəbdən ciddi problemlərlə üzləşdiyi bildirilir.
Nazirlik bu cür əməliyyatların dələduzluq və çirkli pulların yuyulması kimi cinayətlərə cəlb oluna biləcəyini vurğulayıb.
