25 avqust - 03 sentyabr 2023-cü il tarixlərində Türkiyənin İstanbul şəhərində keçirilən Kikboksinq WAKO versiyası üzrə uşaq, yeniyetmə və gənclər arasında Avropa çempionatı keçirilmişdir.
Yarışda uğur qazanan Gəncə şəhər idmançılarının qarşılanma mərasimi təşkil edilmişdir. Tədbirdə Gəncə -Daşkəsən Regional Gənclər və İdman İdarəsinin rəis müavini Rəşad Qarayev, Şərqi Zəngəzur Regional Gənclər və idman idarəsinin Kəlbəcər rayon üzrə gənclər və idman sektorunun baş məsləhətçiləri Hikmət Şahmuradov, Lalə Həsənli, Uşaq-Gənclər İdman Məktəblərinin və idman ictimaiyyətinin nümayəndələri iştirak etmişdir.
Mərasim zamanı idmançılarımız və məşqçi müəllimlər öz təsuratlarını mətbuat nümayəndələri ilə bölüşdülər.
Bu çempionatda Gəncə şəhər 2 nömrəli Uşaq-Gənclər İdman-Şahmat Məktəbinin yetirməsi Abbaszadə Baba Əli oğlu 48 kq çəki dərəcəsində bütün rəqiblərini məğlub edərək Avropa çempionu olub.
Taleh Bayramov 3 - cü yerə layiq görülüb. Sambo idman növü üzrə Gürcüstanın Tiblis şəhərində keçirilən beynəlxalq turnirdə Elcan Abbasov 3-cü yerə layiq görülüb.
Türkiyənin İstanbul şəhərində keçirilən Kikboksinq WAKO yarışlarda Beynəlxalq dərəcəli hakim Anar Məmmədov qarşılanıb.
Bu münasibətlə idmançılarımızı və onun məşqçi-müəllimlərini eləcədə bütün idman ictimaiyyətini təbrik edirik və qarşıdakı beynəlxalq arenalarda keçirilən yarışlarda da qürurla Azərbaycan bayrağını dalğalandırmağı arzulayırıq.
