Vətəndaş məmnunluğunun təmin edilməsi əsas hədəflərimizdəndir
- - - - -
Mayın 1-də Dağlıq Şirvan Regional Təhsil İdarəsinin müdiri Rövşən Əliyev Ağsu rayonunda vətəndaşları qəbul edib.
Qəbulda Regional İdarənin müdir müavini Həmid Qasımov və struktur bölmə rəhbərləri iştirak edib. Ağsu Rayon Təhsil Sektorunun inzibati binasında keçirilən qəbulda 28 nəfər vətəndaşın müraciəti dinlənilib.
İdarə müdiri qəbula yazılmış vətəndaşların müraciət, şikayət və təkliflərini dinləyərək hər bir müraciətin operativ şəkildə araşdırılması və qaldırılan məsələlərin qanunvericiliyə uyğun həlli istiqamətində idarənin aidiyyəti üzrə struktur bölmələrinin əməkdaşlarına konkret tapşırıqlar verib.