Rəsmi Vaşinqton Ukrayna Prezidenti Volodimir Zelenskinin noyabrın 27-nə qədər Ukraynadakı münaqişənin həlli üçün yeni plan imzalamasını gözləyir.
Bu barədə məşhur "Financial Times" nəşri Ukrayna rəsmilərinə istinadən məlumat yayıb.
"ABŞ rəsmiləri Zelenskinin gələn həftənin cümə axşamına qədər sazişi imzalamasını gözləyirlər ki, bunu ayın sonunda Moskvada təqdim edə bilsinlər", - nəşr yazıb.
Plana əsasən, sənədlər imzalanandan sonra Rusiya tərəfinə təqdim olunacaq. Münaqişənin həllinin bütün mərhələlərini 2025-ci ilin dekabrına qədər tamamlamaq məqsədi ilə bu prosesin noyabrın sonunadək başa çatdırılması gözlənilir.
Xatırladaq ki, ABŞ Prezidenti Donald Tramp Ukrayna münaqişəsi ilə bağlı yeni planı təsdiqləyib.
