“Müstəqillik bəyannaməsinin konstitusiyadan çıxarılması hazırkı Ermənistan dövlətinin ləğv edilməsi, bu ərazidə yeni dövlətin formalaşması deməkdir. Ermənistan hakimiyyəti bu addımları ilə Azərbaycanın Sünikə (Zəngəzur), Vayots Dzora (Dərələyəz), Ararata (Vedi) və Bakının Qərbi Azərbaycan adlandırdığı ərazilərə girişinə hüquqi zəmin hazırlayır”.
Bu barədə erməni diplomat Edqar Qazaryan deyib.
Qazaryan iddia edir ki, hazırda Geqarkunikdə müəyyən ərazilərin Azərbaycana təhvil verilməsinə hazırlıq gedir: “Geqarkunik rayonunda mina təmizləmə işləri həyata keçirilir. Ermənistan ordusuna tapşırıq verilib ki, ərazilər Azərbaycana təhvil verilməsi üçün minalardan təmizlənməlidir”.
Rusiyanın sərhəd xidmətindən imtina edilməsi haqqında da danışan erməni diplomat onu da iddia edir ki, Ermənistan-Türkiyə sərhədi qanuni olaraq yox olacaq və Ankara istənilən vaxt İrəvana daxil ola biləcək.
